Azərbaycan, Bakı, 12 sentyabr /Trend, müxbir H.Vəliyev/
Azərbaycan mobil rabitə operatoru "Azerfon" MMC (Nar Mobile ticarət markası) bu il LTE (Long Term Evolution) şəbəkəsinin kommersiya baxımından işə salınmasını planlaşdırmır. Trend-in məlumatına görə, bu barədə jurnalistlərə açıqlamasında "Azerfon" MMC-nin Baş direktoru Kent MakNili bildirib.
Onun sözlərinə görə, LTE şəbəkəsinin tətbiqi şirkətin perspektiv planlarına daxildir və hazırda bu istiqamətdə işlər görülür.
MakNili bildirib: "LTE şəbəkəsinin məhz nə vaxt istifadəyə veriləcəyi barədə danışmaq mümkün deyil. Bu məsələ həll olunacaq, lakin bu il yox".
Onun sözlərinə görə, "Azerfon" şirkəti hər il şəbəkənin inkişafına milyonlarla manat sərmayə yatırır və bu istiqamətdə belə siyasət davam etdiriləcək.
.