Azərbaycan, Bakı, 12 oktyabr /Trend, müxbir H. Vəliyev/
Azərbaycanın poçt rabitəsi operatoru - "Azərpoçt" MMC Qırğızıstan və Tacikistan istiqamətində STEFI (Secured Transfer of Electronic Financial İnformation) pul köçürmələrini tədbiq etmək niyyətindədir. Bu barədə Trend-ə açıqlamasında rabitə və informasiya texnologiyaları nazirliyinin poçt rabitəsi şöbəsinin rəhbəri Novruz Məmmədov bildirib.
Onun sözlərinə görə, STEFI sisteminin tətbiqi Azərbaycan poçt operatoruna digər pul köçürmələri tarifləri çərçivəsində 30 dəqiqə ərzində təcili pul köçşürmələri həyata keçirməyə imkan verir.
Hazırda Azərbaycan poçt operatoru STEFI sistemi üzrə Ukrayna, Belarus, Moldova, Rusiya, Qazaxıstan o cümlədən BƏƏ-yə təcili pul köçürmələrini təklif edir.
Perspektivdə Özbəkistan, Estoniya və Latviya istiqamətlərində xidmətin tətbiq olunması nəzərdən keçirilir.