Azərbaycan, Bakı, 25 oktyabr /Trend, müxbir H. Vəliyev/
Mobil rabitə operatoru "Azercell Telecom" MMC LTE (Long Term Evolution) şəbəkəsi üzərindən səsin göndərilməsini sınaqdan keçirməyə hazırlaşır. Bu barədə Trend-ə şirkətdən bildirilib.
Şirkətdən deyilib ki, sınaqlara gələn həftədən başlanılacaq.
LTE (Long Term Evolution) şəbəkəsi üzərindən səsin göndərilməsi CSFB (CS FallBack) texnologiyasına əsaslanacaq.
CSFB texnologiyası LTE şəbəkəsinə qoşulan mobil qurğunu daxil olan və çıxan səs çağırışları üçün mövcud olan UMTS (Universal Mobile Telecommunications System) infrastrukturundan istifadə etməyə imkan verir.
