Azərbaycan, Bakı, 11 dekabr /Trend, müxbir H.Vəliyev/
Azərbaycanın mobil rabitə operatoru "Azerfon" MMC ( ticarət markası "NarMobile") LTE şəbəkəsinin istismara verilməsinə hazırlaşır. Bu barədə çərşənbə günü jurnalistlərə "Azerfon" MMC-nin baş direktoru Kent Maknili bildirib.
Onun sözlərinə görə, şəbəkənin kommersiya istismarına 2014-cü ilin birinci rübündə başlanacağı gözlənilir.
Bir müddət əvvəl şirkətdən bildirilmişdi ki, "Azerfon" MMC LTE şəbəkəsinin genişlənilməsi üzrə fərdi strategiyaya malikdir.
Azərbaycanın mobil rabitə bazarının başqa oyunçularından fərqli olaraq, respublikanın bütün ərazisi üzrə şəbəkənin eyni zamanda işə salınması "Azerfon"un əsas məqsədidir.