Azərbaycan, Bakı, 13 avqust /Trend, müxbir Hüseyn Vəliyev/
Naxçıvan Muxtar Respublikasının simsiz rabitə operatoru "Naxtel" LTE şəbəkəsinin genişləndirilməsinə başlayıb. Bu barədə Trend-ə NMR-in Rabitə və Yeni Texnologiyalar Nazirliyindən məlumat verilib.
Məlumatda bildirilir ki, hazırda Naxçıvan şəhərində və Muxtar Respublikanın bir sıra rayonlarında şəbəkənin sınağı üzrə işlər aparılır.
Şəbəkənin 2016-cı il yanvar ayında kommersiya istismarına veriləcəyi gözlənilir.
"Naxtel" şirkəti tərəfindən LTE-nin 10 baza stansiyası quraşdırılıb. "Naxtel"in 4G şəbəkəsi Naxçıvan şəhəri və Şərur, Babək, Culfa, Ordubad və Şahbuz rayonlarının bir sıra kəndlərini əhatə edir.