Bakı. Trend:
ABŞ-ın "Apple" korporasiyası ötən maliyyə rübünün yekunları üzrə 10,7 milyard dollar məbləğində xalis mənfəət əldə edib.
Trend-in TASS-a istinadən verdiyi məlumata əsasən, bu barədə şirkətin cümə axşamı dərc olunan maliyyə hesabatında qeyd olunub.
Qeyd olunur ki, ötən ilin analoji rübünün yekunu üzrə şirkətin mənfəəti 9 mlrd. dollar təşkil edib.
"Apple"nin son üç aya görə gəliri 12,2 faiz artaraq təqribən 52,6 mlrd. dollara çatıb. Bu məbləğin 28,8 mlrd. dolları (təqribən 55 faiz) "iPhone" smartfonlarının satışından əldə olunub.