Bakı. Hüseyn Vəliyev - Trend:
Azərbaycanın ilk peyki olan "Azerspace 1"-dən gəlirlər 80 milyon dollar təşkil edib.
Trend-in məlumatına görə, bunu Azərbaycan Milli Elmlər Akademiyasının Rəyasət Heyətinin akademik Kərim Kərimovun 100 illik yubileyinə həsr olunmuş iclasında "Azərkosmos" ASC-nin sədri Rəşad Nəbiyev deyib.
Onun sözlərinə görə, “Azərspace-2” ikinci geostasionar peykin buraxılışı 2018-ci ilə planlaşdırlıb.
R.Nəbiyev bildirib ki, Azərbaycan həmçinin “Azərsky” yer səthinin müşahidə peykinə də sahibdir: ““Azərsky” peykindən əldə olunan görüntülər ölkənin elmi ictimaiyyəti üçün elmi tədqiqatlar aparmaq məqsədilə qarşılıqsız təqdim olunur. Peyklərin idarə olunması bilavasitə “Azərkosmos”un əməkdaşları tərəfindən həyata keçirilir”.
