ARDNŞ 2005-ci ili 1195,5 mln AZN mənfəətlə başa vurub. Trend in xəbər verdiyi kimi, bu barədə ARDNŞ-in 2005-ci il hesabatında deyilir. 2004-cü illə müqayisədə mənfəətin həcmi 134 mln AZN artıb.
2005-ci ilin yekunları üzrə ARDNŞ-in bir neçə müəssisəsi 41,1 mln AZN məbləğində zərərlə işləyib ("Azneft" İB-nin qazma idarələri - 36,3 mln AZN, geologiya idarəsi - 4,3 mln. AZN, elmi və ticarət müəssisələri - 0,5 mln. AZN)
Bununla belə, ARDNŞ ən iri ödəyici kimi hər il dövlət büdcəsinə daxilolmaların məbləğini artırır. 2004-cü ilə olan 385,9 mln AZN-lə müqayisədə 2005-ci ildə dövlət büdcəsinə 159,1 mln AZN çox vəsait (545 mln. AZN) köçürülüb.
Bundan başqa, 2005-ci ildə dövlət büdcəsinə vasitəli subsidiya kimi 130 mln AZN daxil edilib.
2004-cü ildə Əhalinin Dövlət Sosial Müdafiə Fonduna 25 mln AZN köçürülüb. 2005-ci ildə bu göstərici 30,2 mln AZN təşkil edib ki, bu da 2004-cü illə müqayisədə 5,2 mln AZN çoxdur.
