Smart Systems Technology AKKORD şirkətlər qrupunun fəaliyyətinin avtomatlaşdırılması prosesinin ilkin mərhələsi və AKKORD qrupları arasında korporativ şəbəkənin yaradılması üzrə iş aparır.
Şirkətdən Trend ə verilən məlumata görə, hazırda ilkin variant hazırlanır. İşlərə başlanması ilə bağlı razılaşma sentyabrda əldə olunub.
Smart Systems Technology 1999-cu ilin noyabrında yaradılıb. Şirkət bank və maliyyə xidmətlərinin kompleks avtomatlaşdırılması, telekommunikasiya şəbəkələrinin quraşdırılmasının layihələşdirilməsi, bank və maliyyə sahəsində konsaltinq xidmətlərinin, mürəkkəb informasiya sistemlərinin işlənməsi, İnternet xidmətlərinin göstərilməsi, müasir kommunikasiya avdanlıqlarının satışı və s. ilə məşğul olur. Şirkət həm də Oracle korporasiyasının rəsmi tərəfdaşıdır.