Azərbaycan Rabitə və İnformasiya Texnologiyaları Nazirliyinin nümayəndə heyəti "Türk dünyasının iqtisadi, dil və elmi əməkdaşlığı üzrə VI forumunda" iştirak edib. Trend Nazirliyə istinadən məlumat verir ki, noyabrın 15-dən 18-nə kimi Bişkekdə keçirilən tədbirdə Rabitə Nazirliyinin UNDP ilə birlikdə həyata keçirdiyi "Azərbaycan dilindən ingilis dilinə tərcümə sistemi maşınının təkmilləşdirilməsi və ingilis dilindən Azərbaycan dilinə tərcüməni nəzərdə tutan elə bir maşının yaradılması " layihəsinin direktoru Əbülfət Fətullayev, layihənin koordinasiyaçıları Ağamehdi Mehtalıyev və Firudin Əhmədov iştirak edib.
Azərbaycan forumun "Tərcümənin avtomatlaşdırılmış sistemi" adlı bölməsində təmsil olunub. Burada "Türkdilli dövlətlər üçün vahid tərcümə maşının yaradılması" mövzusunda məruzə ilə Ə. Fətullayev, "Azərbaycan dilindən ingilis dilinə tərcümənin maşın sistemi olan Dilmanc" məruzəsi ilə A. Mehtalıyev, "Türk dillərinin elektron texnologiyalarının tətbiq edilməsi ilə birgə inkişaf, yaxınlaşma, müdafiə sisteminin yaradılması imkanları" adlı nitqi ilə F.Əhmədov çıxış edib.
Forumun əsas məqsədi türkdilli dövlətlər arasında dilçilik, informasiya texnalogiyaları, iqtisadiyyat və mədəniyyət sferalarında elmi tədqiqatlarının əlaqələndirilməsi idi.
