Azərbaycan, Bakı, 4 may /Trend, müxbir Ə.Həsənov /
Azərbaycanın Dövlət Miqrasiya Xidməti özünün inzibati korpusunun tikintisi üçün tender elan edib. Bu barədə cümə günü rəsmi mətbuatda verilən məlumatda deyilir.
Daha aşağı qiymətlər, yüksək keyfiyyət təklif edən, müqavilənin şərtlərinin vaxtında yerinə yetirilməsini təmin edən, eləcə də analoji sahədə təcrübəyə və maddi bazaya malik iştirakçılara üstünlük veriləcək.
Tenderdə iştiraka görə ödəniş 400 manat təşkil edir.
Tenderin şərtləri və əlavə məlumatı Bakı şəhəri, Binəqədi şossesi, 202 ünvanından almaq olar. Əlaqələndirici şəxs Elxan Həsənov. Tel.: (012) 562 5790.
Tenderdə iştirak üçün müvafiq sənədlər 7 iyun 2012-ci il saat 17.00-dək təqdim edilməlidir, tender təklifləri və bank zəmanəti isə 18 iyun saat 17:00-dək Bakı şəhəri, Binəqədi şossesi, 2020 ünvanında yerləşən Azərbaycanın Dövlət Miqrasiya Xidməti Tender Komissiyasına təqdim olunmalıdır.
