Ukrayna, Kiyev, 02 dekabr / Trend müxb. Z.Novosvitski/ Ukrayna prezidenti Viktor Yuşenko Milli Bankın qrivnanın məzənnəsinin sabitliyinə yönəlmiş səylərindən narazılığını bildirib.
Prezidentin mətbuat katibi İrina Vannikovanın dediyinə görə, "dövlət başçısı kursun qeyri-stabilliyinin əsas səbəbi kimi valyuta spekulyasiyalarını və saxta idxaıı görür. Ukrayna prezidenti Milli Bankın rəhbərliyinə kurs siyasətinin sabitləşdirilməsi üçün bir neçə gün vaxt verib".
Oktyabrın əvvəlindən başlayaraq Ukraynanın milli valyutası 40 faizdən də artıq - 1 ABŞ dollarına 6,8777 qrivnaya qədər - devalvasiyaya uğrayıb.
Mətbuat katibinin sözlərinə əsasən, neqativ tendensiyaların artacağı təqdirdə dövlət başçısı sərt kadr tədbirlərinə əl atacaq.
