...

Əhalinin gözü qarşısında Rusiya əsgərlərini öldürən çeçen məhkəmə qarşısına çıxarılacaq - Baş Prokurorluq

Dünya xəbərləri Materials 26 İyul 2011 15:24 (UTC +04:00)
Rusiya prokurorluğu qiyamda və hüquq-mühafizə orqanları əməkdaşlarının həyatına sui-qəsdə təqsirləndirilən Mansur Rajayevin cinayət işi ilə bağlı ittihamı təsdiq edib.
Əhalinin gözü qarşısında Rusiya əsgərlərini öldürən çeçen məhkəmə qarşısına çıxarılacaq - Baş Prokurorluq

Trend-i buradan izləyin

Azərbaycan, Bakı, 26 iyul /Trend/

Rusiya prokurorluğu qiyamda və hüquq-mühafizə orqanları əməkdaşlarının həyatına sui-qəsdə təqsirləndirilən Mansur Rajayevin cinayət işi ilə bağlı ittihamı təsdiq edib. Bu barədə çərşənbə axşamı Rusiya Baş Prokurorluğu məlumat verib.

İstintaq tərəfindən müəyyənləşdirilib ki, 1999-cu il sentyabrın 5-də Rajayev qeyri-qanuni silahlı birləşmənin digər iştirakçıları ilə birlikdə Çeçenistan ərazisindən Dağıstanın Novolak rayonuna soxulub. Trend-in məlumatıan görə, bu barədə RİA Novosti yazır.

"Şimali Qafqaz regionunda, o cümlədən Dağıstan Respublikasında vəziyyətin və ictimai təhlükəsizliyin pozulmasına yönələn cinayət niyyətini həyata keçirərək o, Daxili Qoşunların hərbi hissəsinin hərbi qulluqçularına odlu silahdan atəş açıb", - prokurorluğun saytındakı məlumatda deyilir.

"Sonra qeyri-qanuni silahlı birləşmənin iştirakçıları, o cümlədən Mansur Rajayev 6 hərbi qulluqçunu ələ keçirərək əhalinin gözü qarşısında onların boyun nahiyyələrinə kəsiçi alətlərlə xəsarət yetirməklə edam ediblər", - prokurorluq məlumat verib.

İttiham aktı məhkəməyə göndərilib.

Xəbər lenti

Xəbər lenti