Azərbaycan, Bakı, 12 fevral /Trend, müxbir E.Tariverdiyeva/
İran Tehranda tədqiqat reaktoru üçün 20 faizədək zənginləşdirilmiş urandan sərbəst şəkildə yanacaq hazırlamağa başlayıb. Trend-in çərşənbə axşamı IRNA agentliyinə istinadən verdiyi məlumata görə, bu barədə İran Xarici İşlər Nazirliyinin (XİN) nümayəndəsi Ramin Mehmanpərəst deyib.
"Yanacağın hazırlanması üzrə işlər aparılır və bu məsələ ilə bağlı bütün məruzələr Beynəlxalq Atom Enerjisi Agentliyinə göndərilib", - o qeyd edib.