Azərbaycan, Bakı, 21 fevral /Trend/
Kanada hakimiyyəti Ukrayna Prezidenti Viktor Yanukoviçə və hökumətin digər yüksək çinli nümayəndələrinə qarşı viza məhdudiyyətləri tətbiq edib, eləcə də onların maliyyə aktivlərini dondurub. Trend-in məlumatına görə, bu barədə Kanadanın CBC telekanalı Baş nazir Stiven Xarperə istinadən xəbər yayıb.
Kanada hakimiyyəti sanksiyaların məhz hansı Ukrayna siyasətçilərinə tətbiq edildiyini bildirməyib.
Xarperin bəyanatında deyilir: "Kanada əvvəlki kimi, Ukraynada zorakılığın davam etməsindən narahatdır".
Xatırladaq ki, dünən Avropa İttifaqı da Ukrayna barəsində sanksiyaların tətbiq edilməsinə səs verib.