Azərbaycan, Bakı, 25 mart /Trend/
Ukrayna parlamenti ölkənin müdafiə naziri səlahiyyətlərinin icrasını sərhəd qoşunları general-polkovniki Mixail Kovala həvalə edib. Trend-in məlumatına görə, bu barədə RİA Novosti xəbər yayıb.
Bu qərarın lehinə 251 deputat səs verib. Qərarın qəbulu üçün 226 deputatın səsi lazım idi.
Qeyd edək ki, bundan öncə Ali Rada 228 deputatın səsi ilə İqor Tenyuxun istefasını qəbul edib.