Azərbaycan, Bakı, 12 iyun /Trend, müxbir Rufiz Hafizoğlu/
Müxalif Cümhuriyyət Xalq Partiyası (CHP) hakim Ədalət və İnkişaf Partiyası (AKP) ilə koalisiya hökuməti yaratmaq üçün şərtlərini irəli sürüb. Trend bu barədə "Kanal7" telekanalına istinadən xəbər verir.
Məlumatda deyilir ki, müxalifət partiyasının şərtlərinə əsasən, partiya lideri Kamal Kılıçdaroğlu iki il müddətinə ölkənin baş naziri olmalıdır, bundan başqa Türkiyə parlamentinə CHP üzvlərindən biri sədrlik etməlidir.
Müxalifət həmçinin ədliyyə, daxili işlər və təhsil nazirlərinin CHP deputatlarından təyin olunmasını tələb edir.