Bakı. Trend:
Türkiyənin daxili işlər naziri Süleyman Soylu Rusiyanın Ankaradakı səfiri Andrey Karlova atəş açan şəxsin adını açıqlayıb.
Trend-in "Anadolu" agentliyinə istinadən verdiyi məlumata görə, nazir hücum edən şəxsin 22 yaşlı Aydın vilayət sakini, xüsusi xidmət orqanı əməkdaşı Mövlud Mert Altınbaş olduğunu deyib:
"Altınbaş 1994-cü il iyunun 24-də anadan olub. İzmirdə Rüştü Ünsal adına polis məktəbində oxuyub. Son 2 il yarımdır Ankara Xüsusi Reaksiya Departamentində xidmətdə olub".
S.Soylu bu sui-qəsdin terror aktı olduğunu, Türkiyə və Rusiya münasibətlərinə qarşı yönəldiyini bildirib:
"Bu, böyük təxribatdır. Bu hücum Ankara-Moskva münasibətlərinin yüksək səviyyədə olduğu bir vaxtda edildi. Bu alçaq hücumdur - iki ölkənin dostluğuna zərbə vurmağa cəhddir.