Bakı. Anaxanım Hidayətova - Trend:
Avstraliyanın səhiyyə və idman naziri Syuzan Li dövlət büdcəsinə məxsus olan vəsaitlər hesabına "Gold-Kost" kurortunda şəxsi əmlak alıb. Bu məsələ ilə bağlı yaranmış qalmaqala görə, nazir istefaya getməyə məcbur olub.
Trend-in BBC-yə istinadən verdiyi məlumata görə, bu, Avstraliya hökumətində baş tutan ilk korrupsiya qalmaqalı deyil. Məhz bu səbəbdən artıq ölkədə yüksək rütbə tutan məmurların xərclərinə nəzarət edən orqan yaradılması barədə qərar qəbul edilib.