Bakı. Trend:
Xalq öz etirazını dinc şəkildə bildirmək hüququna malikdir, lakin bu aksiyaları zorakı fəaliyyətlə səhv salmaq olmaz.
Trend-in məlumatına görə, bunu İranın ali lideri ayətullah Əli Xameneyi deyib.
Ə.Xameneyi bildirib ki, İranda baş vermiş hadisələrin təhlili göstərir ki, xalqın qanuni tələbləri ilə dağıdıcılıq fəaliyyətini ayırmaq lazımdır: “Əgər kimisə hüquqlardan məhrum edirlərsə və istər 100 nəfər, istərsə 500 nəfər - bir qrup etirazçı toplanırsa, bu başqa məsələ. Amma əgər toplananlar İslamı, Quranı, bayrağı təhqir edirsə, yanğın törədirsə, bu qəbulolunmazdır”.