Bakı. Trend:
Almaniya Kansleri Angela Merkelin anası Gerlinda Kasner 90 yaşında dünyasını dəyişib.
Trend-in "RİA Novosti"yə istinadən verdiyi məlumata görə, bu barədə Almaniya hökumətinin rəsmi nümayəndəsi Şteffan Zaybert bildirib.
Ş.Zaybert əlavə edib: "Biz kanslerin və onun ailəsinin şəxsi sahəsinə hörmətlə yanaşmağı xahiş edirik".
Qeyd edək ki, hazırda Angela Merkel Brüsseldə Avropa İttifaqının "Brexit" üzrə növbədənkənar sammitində iştirak edir.