Bakı. Trend:
Çinin şərqindəki Çjetszyan əyalətində azı 13 nəfər “Lekima” qasırğasının qurbanı olub.
Trend-in məlumatına görə, 16 nəfər itkin düşmüş hesab olunur.
Venlin şəhərində 200-ə yaxın yaşayış evi tamamilə dağılıb, daha 3,2 min evə ziyan dəyib. Ümumilikdə 3,3 milyon insan qasırğadan zərər çəkib.
Qeyd edək ki, "Lekima" mövsümün sayca doqquzuncu qasırğasıdır. Qasırğa daxilində küləyin sürəti saniyədə 50 metrə qədər çatır.