Bakı. Trend:
Hama əyalətində Suriya qoşunları tərəfindən raketlə təchiz edilmiş pilotsuz uçuş aparatı vurulub.
Trend-in məlumatına görə, bu barədə "SANA" agentliyi bildirib.
Məlumata əsasən, pilotsuz uçuş aparatı Tell Derra ərazisində yerləşən El Hamra fermalarının üzərində səmada vurulub. Bu ərazidə Suriya səhrasından daxil olan İslam Dövləti (İŞİD) terror qruplaşmasının dəstələri fəaliyyət göstərir.
Al-Watan qəzetinin yazdığına görə, terrorçular hərbi və iqtisadi obyektlərə zərbələr endirmək üçün dronlardan istifadə edirlər.