Bakı. Trend:
Kanadanın "Air Canada" aviaşirkətinin sərnişin təyyarəsi Monreal Hava limanından (Kvebek) uçuş edərkən şassisinin altı eniş çarxından birini zədələyib.
Trend-in məlumatına görə, təyyarə havaya qalxdıqdan dərhal sonra pilotlar yanacağı bitirmək üçün hava limanının üstündə bir neçə dairə vurublar və sonra təyyarəni uğurla yerə endiriblər.
DHC-8-300 təyyarəsinin göyərtəsində 49 sərnişin və üç ekipaj üzvü olub. Xəsarət alan olmayıb.