Bakı. Trend:
Birləşmiş Ərəb Əmirliklərində (BƏƏ) yeni növ koronavirusa yoluxma hallarının ümumi sayı 1799-ə çatdı, 10 nəfər ölüb.
Trend-in məlumatına görə, bu barədə ölkənin səhiyyə nazirliyi xəbər yayıb.
Bildirilir ki, son sutka ərzində BƏƏ-də 294 yoluxma hadisəsi aşkarlanıb. Pandemiyanın başlamasından indiyədək 144 nəfər virusdan sağalıb.
Martın 11-də Ümumdünya Səhiyyə Təşkilatı COVID-19 infeksiyasını pandemiya elan edib.
Təşkilatın son məlumatına görə, dünyada koronavirusa 1 milyon 130 mindən çox yoluxma hadisəsi qeydə alınıb, 63 minə yaxın insan dünyasını dəyişib.