Bakı. Trend:
Konqo Demokratik Respublikasında (KDR) qatarın relsdən çıxamsı nəticəsində ölənlərin sayı 75 nəfərə çatıb.
Trend-in məlumatına görə, bu barədə KDR-nin Milli Dəmiryol Şirkətinin direktoruna istinadən "Agence France-Presse" xəbər yayıb.
Məlumata əsasən, qəza nəticəsində azı 75 nəfər ölüb, 125 nəfər yaralanıb. Ən ağır xəsarət alan 28 zərərçəkmiş ixtisaslaşdırılmış tibb məntəqələrinə göndərilib.
Xatırladaq ki, martın 10-u axşam saatlarında Lualaba əyalətində mövcud qadağaya baxmayaraq insanları daşıyan yük qatarı qəzaya uğrayıb.