Bakı. Trend:
Aprelin 30-da keçirilən referendumda qəbul edilən “Özbəkistan Konstitusiyası haqqında” qanun qüvvəyə minib.
Trend-in məlumatına görə, bu barədə ölkənin Mərkəzi Seçki Komissiyasının (MSK) mətbuat xidməti bildirib.
MSK tərəfindən qəbul edilən qərara əsasən, qanun 2023-cü il mayın 1-dən qüvvəyə minib.
Qeyd edək ki, aprelin 30-da Özbəkistanın yeni redaksiyada Konstitusiyasına dair referendum keçirilib. Seçici fəallığı 84,50 faiz təşkil edib. Vətəndaşların 90,20 faizi (15,04 milyon) yeni Konstitusiyanın qəbulunun lehinə, 9,35 faizi (1,55 milyon vətəndaş) əleyhinə səs verib.