Bakı. Trend:
Türkiyə prezidenti Rəcəb Tayyib Ərdoğanla ABŞ prezidenti Co Bayden arasındakı görüş başlayıb.
Trend TurkicWorld-a istinadla xəbər verir ki, görüş Vilnusda keçirilən NATO zirvəsində baş tutub.
"Bundan öncəki görüşlər hazırlıq turları idi. İndi yeni bir mərhələyə başlayırıq" - deyə Ərdoğan qeyd edib.
Məlumat üçün qeyd edək ki, Co Bayden Türkiyə prezident seçkilərində qalib gəlməsi münasibəti ilə Rəcəb Tayyib Ərdoğanı bir daha təbrik edib.
***
18:22
Türkiyə Prezidenti Rəcəb Tayyib Ərdoğan amerikalı həmkarı Cozef Baydenlə görüşüb.
Trend xəbər verir ki, onlar Vilnüsdə keçirilən NATO sammiti çərçivəsində bir araya gəliblər.
Bayden və Ərdoğan qarşılıqlı maraq doğuran məsələləri müzakirə ediblər.
Xatırladaq ki, Sammitdə NATO üzvü olan 31 ölkənin dövlət və hökumət başçıları, namizəd ölkələrdən İsveç, eləcə də Yaponiya, Cənubi Koreya və Yeni Zelandiya nümayəndələri iştirak edir.