Bakı. Trend:
Ukraynalı pilotların F-16 qırıcılarında təlim prosesi geniş vüsət alıb və ciddi irəliləyiş əldə edilib.
Trend xəbər verir ki, bunu Ukrayna Hərbi Hava Qüvvələrinin sözçüsü Yuri İqnat deyib.
Yuri İqnat bildirib ki, harada, hansı ölkədə, neçə pilot və neçə təyyarə ilə bağlı çoxlu sual verilir. Təəssüf ki, Ukrayna indi bu suallara ətraflı cavab verə bilmir.
“Yalnız sizi əmin edə bilərəm ki, proses həqiqətən çox ciddi şəkildə irəliləyib. Pilotlar təhsil alır və təlim keçirlər”, - deyə o vurğulayıb.