Bakı. Trend:
Ukraynanın Ali Radası səfərbərlik barədə qanun layihəsini birinci oxunuşda qəbul edib.
Trend xarici KİV-lərə istinadən xəbər verir ki, deputatların 243-ü qanun layihəsinin lehinə, 12-si əleyhinə səs verib, 45 nəfər isə bitərəf qalıb.
Məlumata görə, qanun elektron çağırış vərəqələrinin tətbiq edilməsini, xidmətdən yayınan şəxslərin hüquqlarının məhdudlaşdırılması, o cümlədən onların bank hesablarının dondurulması imkanlarını nəzərdə tutur.
Layihə ölkənin müdafiə naziri tərəfindən təqdim edilib.