Bakı. Trend:
Slovakiyanın baş naziri Robert Fitsoya sui-qəsd olunub.
Trend xəbər verir ki, bu barədə ölkənin yerli KİV-i məlumat yayıb.
Məlumata görə, Slovakiya Nazirlər Kabinetinin iclasından sonra Robert Fitso ictimaiyyət qarşısına çıxdıqda bir neçə dəfə atəş açılıb. Yaralanan nazir xəstəxanaya aparılıb. Hadisənin motivi barədə hələ ki, məlumat yoxdur.
Qeyd edilir ki, baş nazirinə sui-qəsd edən şəxs saxlanılıb.