Gürcüstan, Tbilisi/ Trend , müxbir N.Kirtsxalia/ Gürcüstan XİN başçısı Gela Bejuaşvili Avropa Birliyini avqustun 6-da Rusiya aviasiyası tərəfindən Tsitelubani kəndinin bombalanması faktı ilə bağlı dövlətlərarası ekspert qrupunun apardığı araşdırmalara aktiv qoşulmağa çağırıb. Gürcüstan XİN-dən bildiriblər ki, mövzu ilə bağlı Bejuaşvili AB-nin Cənubi Qafqazdakı xüsusi nümayəndəsi Piter Semnebi ilə telefonla danışıq aparıb.
O, AB ekspertlərini gürcü tərəfinin aşkarladığı sübut-dəlillərlə tanış olmağa dəvət edib. Bu sübutlar gürcü kəndi istiqamətində antiradar raketin buraxılması faktını təsdiqləyir.
Nazir həmçinin AB nümayəndəsini gürcü tərəfinin faktla bağlı yeni informasiyası ilə tanış edib.