Azərbaycan, Bakı, 2 avqust /Trend, müxbir V.İmanov/
Azərbaycanın xalq artisti, Akademik Milli Dram Teatrının aktyoru Yaşar Nuri Türkiyədə keçdiyi növbəti müalicə kursundan sonra bu gün Bakıya qayıdıb.
Aktyorun həyat yoldaşı Rəhimə Nuriyeva Trend-ə bildirib ki, hazırda Yaşar Nuri özünü yaxşı hiss edir, nitqi yaxşılaşıb, lakin iki həftədən sonra yenidən Türkiyədə müalicə kursunu davam etdirəcək.
Xatırladaq ki, 2008-ci ilin mayında Yaşar Nuri İstanbul klinikasında qaraciyərindən əməliyyat olunmuşdu. Aktyor 2009-cu ilin sonu, 2010-cu ilin əvvəlində İstanbulun "Memorial" xəstəxanasında müalicə alıb. Ötən ilin noyabrında onun səhhəti yenidən pisləşib. Bu dövr ərzində iki dəfə İstanbuldakı Amerika xəstəxanasına yerləşdirilib, Bakı Mərkəzi Gömrük Hospitalında müalicə alıb.