...

Azərbaycan Frankfurt Kitab Sərgisində iştirak edəcək

Mədəniyyət Materials 3 Oktyabr 2014 15:35 (UTC +04:00)
Azərbaycan nümayəndə heyəti 8-12 oktyabr 2014-cü il tarixdə Frankfurt Kitab Sərgisində iştirak edəcək.
Azərbaycan Frankfurt Kitab Sərgisində iştirak edəcək

Trend-i buradan izləyin

Azərbaycan, Bakı, 3 oktyabr /Trend, müxbir İlhamə İsabalayeva/

Azərbaycan nümayəndə heyəti 8-12 oktyabr 2014-cü il tarixdə Frankfurt Kitab Sərgisində iştirak edəcək. Mədəniyyət və Turizm Nazirliyindən Trend-ə verilən məlumata görə, kitab sərgisində ölkəmizin, onun zəngin mədəniyyətinin, inkişaf edən nəşriyyat-poliqrafiya sahəsinin, kitab sənətinin təmsil olunması məqsədilə mütəxəssislər və yerli nəşriyyat nümayəndələri iştirak edəcək.

Hər il təşkil olunan sərgiyə təqribən 250 000 ziyarətçi və bir çox ölkələrdən iştirakçılar gəlir.

İndiyə kimi bu sərgidə Azərbaycan Respublikasının Mədəniyyət və Turizm Nazirliyinin dəstəyi ilə ölkəmiz bir neçə dəfə təmsil olunub.

Builki sərgi çərçivəsində 220 illik yubileyi qeyd edilən görkəmli şair Mirzə Şəfi Vazehlə bağlı müvafiq tədbirin keçirilməsi, Azərbaycan həqiqətlərini dünyaya çatdıran kitab və digər nəşr məhsullarının, habelə çox sayda turizm materiallarının nümayişinin təşkili və 2015-ci ildə paytaxtımızda keçiriləcək İlk Avropa Oyunlarının geniş təbliğatı nəzərdə tutulub.

Məqalədə:
Xəbər lenti

Xəbər lenti