Bakı. Trend:
İtaliyada son sutkada koronavirusun törətdiyi fəsadlardan 401 nəfərin ölümü qeydə alınıb.
Trend-in Reuters-ə istinadən verdiyi xəbərə görə, bu barədə ölkənin səhiyyə nazirliyindən məlumat verilib.
Bildirilir ki, sutka ərzində 23 832 nəfərdə koronavirus aşkarlanıb.
Ümumilikdə İtaliyada "COVİD-19" pandemiyası başlayandan bu virusla bağlı ölümlərin sayı 104 642-yə, yoluxmaların sayı 3,35 milyona, vəziyyəti ağır olaraq reanimasiya yerləşdirilən xəstələrin sayı isə 3 387-yə yüksəlib.