Azərbaycan, Bakı, 15 avqust / Trend , müxbir C.Babayeva/
Bakının Nəsimi rayonunda, özbək şairi Əlişir Nəvai adına parkın qarşısında 71 nömrəli marşrut avtobusu yanıb, zərərçəkən yoxdur, Trend -un hadisə yerindəki xüsusi müxbiri xəbər verir. Hadisə yerinə iki yanğınsöndürən maşın gəlib.
"Hadisə nəticəsində zərəçəkən olmayıb, - avtobusun sürücüsü yanğının səbəbi barədə polisə məlumat verərkən deyib. - Yanğın avtobusun motorunda başladı. Lakin nəqliyyat vasitəsindəki odsöndürən işlək vəziyyətdə olmadığınma görə yanğının söndürülməsi üçün imkan olmadı".
Avtobusun sürücüsü yanğına qədər nasazlıq hiss edib. Buna görə də dərhal sərnişinləri avtobusdan düşürüb. Bu da insan ölümünün qarşısını alıb.
Hadisə nəticəsində park yaxınlığında yol hərəkəti tamamilə dayandırlıb.
