Azərbaycan, Bakı, 11 sentyabr /Trend, müxbir İ.İzzət/
Qobustan rayonunda uç uşaq atası özünü asaraq intihar edib.
Qobustan Rayon Prokurorluğundan Trend-ə verilən məlumata görə, sentyabrın 10-da səhər saat 10:00 radələrində Qobustan rayonu Çuxanlı kənd sakini 1970-ci il təvəllüdlü İsayev Asif özünü yaşadığı evin həyətindəki ağacdan iplə asaraq intihar edib. Hələlik intiharın səbəbləri məlum deyil.
Qeyd edək ki, Asif İsayev 3 övlad atası olub.
Faktla bağlı Qobustan Rayon Prokurorluğunda Cinayət Məcəlləsinin 125-ci (Özünü öldürmə həddinə çatdırma) maddəsi ilə cinayət işi açılıb, intiharın səbəbləri araşdırılır.