Bakı. Elnur Bağışov - Trend:
Bu gün saat 12:15 radələrində İranın Savə-Həmədan avtomagistralının 40-cı kilometrliyində avtobus yol kənarındakı maneəyə çırpılaraq aşıb.
Trend-in məlumatına görə, bunu İranın Mərkəzi vilayəti yol polisinin rəisi polkovnik İrəc Kəhrizi deyib.
Onun sözlərinə görə, hadisə nəticəsində 3 nəfər həlak olub. 8 sərnişin isə yaralanıb.
Kəhrizi yaralıların xəstəxanalara yerləşdirildiyini deyib.
Faktla bağlı araşdırma aparılır.
Qeyd edək ki, İranın bir neçə vilayətində qar və yağışlar səbəbindən qəzaların sayı artıb.