Azərbaycan, Bakı, 23 fevral /Trend, müxbir Məftun Salmanov/
Türkiyənin Giresun şəhərində silah istehsalı müəssisəsi qadınlar üçün xüsusi tapançalar istehsal etməyə başlayıb.
Trend-in "Anadolu" agentliyinə istinadən verdiyi məlumata görə, yeni silahların özəlliyi onların çəhrayı, qırmızı, mavi və sarı kimi fərqli rənglərdə olmasıdır.
Bununla da müəssisə həm qadınların diqqətini çəkən, həm də istifadə edildiyi yerə uyğunlaşdırılması mümkün olan müxtəlif rənglərdə silahlar istehsal edib.
Yeni silahlar daxili və xarici bazarlar üçün nəzərdə tutulub.