Azərbaycan, Bakı, 21 may /Trend, müxbir S.Ağayeva/ Avropa Yenidənqurma və İnkişaf Bankı (AYİB) Azərbaycan hökuməti və xalqından üzr istəyib.
AYİB-in Bakı ofisinın cümə günü yaydığı məlumata görə, buna səbəb Bankın 2009-cu il üzrə "İllik Hesabat"ında dərc olunmuş xəritədə Dağlıq Qarabağın səhvən Azərbaycanın inteqral bir hissəsi kimi göstərilməməsi və bu üzdən Azərbaycan xalqında yaranmış narahatçılıq olub.
"Dünən axşam buraxılmış səhv haqqında məlumat əldə edən kimi AYİB-in Bakıdakı nümayəndəliyi Azərbaycan hökuməti ilə əlaqə saxladı. Buraxılmış səhv "İllik Hesabat"ın onlayn versiyasında dərhal düzəldilib, çap olunmuş "İllik Hesabat"lar isə dövriyyədən çıxarılıb", - deyə açıqlamada bildirilir.
Avropa Yenidənqurma və İnkişaf Bankı Azərbaycan hökuməti və xalqından üzr istəyib
Avropa Yenidənqurma və İnkişaf Bankı (AYİB) Azərbaycan hökuməti və xalqından üzr istəyib
