...

Rəsmi Bakı hesab edir ki, Fransa Prezidentinin Cənubi Qafqaza səfəri Dağlıq Qarabağ nizamlamasının sürətlənməsinə təsir edəcək

Ermənistan-Azərbaycan münaqişəsi Materials 7 Oktyabr 2011 12:14 (UTC +04:00)
Rəsmi Bakı hesab edir ki, Fransa Prezidenti Nikola Sarkozinin Cənubi Qafqaza səfəri Dağlıq Qarabağ münaqişəsinin həllinin sürətlənməsinə təsir edəcək.
Rəsmi Bakı hesab edir ki, Fransa Prezidentinin Cənubi Qafqaza səfəri Dağlıq Qarabağ nizamlamasının sürətlənməsinə təsir edəcək

Trend-i buradan izləyin

Azərbaycan, Bakı, 7 oktyabr /Trend, müxbir K.Zərbalıyeva/

Rəsmi Bakı hesab edir ki, Fransa Prezidenti Nikola Sarkozinin Cənubi Qafqaza səfəri Dağlıq Qarabağ münaqişəsinin həllinin sürətlənməsinə təsir edəcək.

"Fransa Prezidentinin Cənubi Qafqaza, o cümlədən Azərbaycana səfəri, düşünürk ki, mühüm əhəmiyyət kəsb edir. Mühüm əhəmiyyəti ilk növbədə onunla ölçülür ki, Fransa ATƏT-in Minsk qrupunun həmsədridir, Dağlıq Qarabağ münaqişəsinin həlli ilə bilavasitə məşğul olan dövlətdir", - Trend-in məlumatına görə, cümə günü jurnalistlərə Prezident Administrasiyasının İctimai-siyasi məsələlər şöbəsinin müdiri Əli Həsənov deyib.

Onun sözlərinə görə, Sarkozinin regiona səfəri, Yerevanda açıqlamaları, xüsusilə mövcud status-kvonunn qəbul edilməzliyi və bunun dəyişdirilməsinin vacibliyininə dair fikirləri Cənubi Qafqazdakı sonrakı sülh yaratma proseslərinə, o cümlədən Dağlıq Qarabağ münaqişəsinin həlli ilə bağlı mövcud status-kvonun dəyişməzliyi haqqında təxminən 6 ay əvvəl həmsədrlərin bəyan etdiyi missiyaya əlavə qatqı verəcək.

Fransa Prezidentinin cümə axşamından Cənubi Qafqaza səfəri başlayıb. Sarkozinin bu gündən Azərbaycana səfəri başlayır.

İki Cənubi Qafqaz ölkəsi arasında münaqişə 1988-ci ildə Ermənistanın Azərbaycana qarşı ərazi iddiası irəli sürməsi zəminində yaranıb. Azərbaycan torpaqlarının iyirmi faizi, yəni Dağlıq Qarabağ ərazisi və bu əraziyə bitişik yeddi rayon Ermənistan Silahlı Qüvvələrinin işğalı altındadır. 1994-cü ildə tərəflər atəşkəs rejiminə dair razılaşma əldə ediblər və o vaxtdan bəri ATƏT-in Minsk qrupunun himayəsi altında, Rusiya, Fransa və ABŞ-ın həmsədrliyi ilə hələ də nəticəsiz sülh danışıqları aparılır.

BMT Təhlükəsizlik Şurasının Dağlıq Qarabağ və ətraf rayonların azad edilməsinə dair qəbul etdiyi dörd qətnaməni Ermənistan bu günə qədər yerinə yetirməyib.

Xəbər lenti

Xəbər lenti