Azərbaycan, Bakı, 25 fevral /Trend, müxbir E.Mehdiyev/
Xocalı soyqırımı qurbanlarının xatirəsi bu gün Yeni Azərbaycan Partiyası Gənclər Birliyinin nümayəndələri tərəfindən də anılıb.
Trend-in məlumatına görə, YAP Gənclər Birliyinin nümayəndələri faciənin 22-ci ildönümü ilə əlaqədar Xocalı abidəsini ziyarət ediblər.
Abidənin önünə əklil və gül dəstələri düzən YAP gəncləri soyqırım qurbanlarının xatirəsinə dərin ehtiramlarını bildiriblər.