Azərbaycan, Bakı / Trend , müxbir S.Ağayeva/ AŞPA-nın Cənubi Qafqazdakı mədəniyyət abidələrinin vəziyyətinin monitorinqi üzrə missiyası britaniyalı parlamentari Edvard Oxara başda olmaqla avqustun sonunda regiona səfər edəcək.
"Armenia.ru" saytının verdiyi məlumata görə, missiya avqustun 29-da Azərbaycana, sonra isə Ermənistana səfər edəcək.
İlkin məlumata görə, missiya Naxçıvan Muxtar Respublikasına və Ermənistan tərəfindən işğal olunmuş Dağlıq Qarabağ ərazisinə səfər edəcək.
"Avropa Şurasının Parlament Assambleyasının mədəniyyət abidələrinin vəziyyətinin monitorinqi üzrə missiyasının səfəri hər hansı bir problemlə bağlı deyil. Bu məsələ hər iki ölkənin nazirliklərində müzakirə olunur və nazirliklər səviyyəsində artıq irəliləyişlər müşahidə olunur" - deyə AŞPA-nın mədəniyyət abidələrinin vəziyyətinin monitorinqi üzrə məruzəçisi Oxara xeyli əvvəl Trend ə məlumat verib.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
