Azərbaycan, Lənkəran,12 fevral / Trend , müxbir P.Əliyeva/ Lənkəran rayonunda beş siyasi partiyanın - Bütöv Azərbaycan Xalq Cəbhəsi (BAXC), Klassik Xalq Cəbhəsi (KXC), Vətəndaş Həmrəyliyi , Ümid və Açıq Cəmiyyət partiyalarının rayon şöbələrinin Koordinasiya Mərkəzi təsis edilib. Bu barədə çərşənbə axşamı Trend ə KXCP-nın Lənkəran şəhər təşkilatının sədri Azad Şəfiyev məlumat verib.
Azərbaycanda oktyabr ayında prezident seçkiləri keçiriləcək. Prezident seçkiləri öncəsi siyasi partiyaların şöbələri fəaliyyətinin intensivləşməsi üçün birgə mübarizə tədbirləri həyata keçirəcəklər.
Şəfiyev deyib ki, Koordinasiya Mərkəzinin yaradılmasında məqsəd rayonun sosial-iqtisadi məsələləri ilə bağlı, seçkilərin azad, demokratik, ədalətli keçirilməsi ilə əlaqədar birgə fəaliyyət göstərməkdir. Onun sözlərinə görə, qurum Sədrlər Şurası tərəfindən idarə olunacaq, qərarlar konsensus şəklində qəbul ediləcək.
Mərkəzin əsasnaməsi qəbul edilərək, Lənkəran şəhər İcra Hakimiyyətinə təqdim olunub.
Müəlliflə əlaqə saxlamaq üçün elektron ünvan - [email protected]