Azərbaycan, Gəncə, 08 aprel / Trend , müxbir V. Məmmədov/ Gəncə şəhərində yol qəzasından ölənlərin sayı azalıb. Gəncə şəhər Yol Polisi İdarəsinin rəisi Adil Zeynalov çərşənbə axşamı Trend a bildirib ki, yanvar-mart aylarında Gəncədə 43 yol nəqiliyyat hadisəsi baş verib. Nəticədə, 3 nəfər dünyasını dəyişib, 46 nəfər yaralanıb.
Zeynalov bildirib ki, ötən ilin müvafiq dövrü ilə müqayisədə, avtomobil qəazaların sayı artıb, lakin dünyasını dəyişənlərin sayı azalıb.
Ötən ilin eyni dövründə paytaxt Bakıdan 365 kilometr qərbdə yerləşən Gəncədə 34 yol- nəqiliyyat hadisəsi baş verib və nəticədə,6 nəfər dünyasını dəiyşib, 39 nəfər müxtəlif bədən xəsarəti alıb.
İdarə rəisi qeyd edib ki, bu il Gəncədə 6 246 sürücü yol hərəkəti qaydasını pozub. Onlardan 373 nəfəri sərxoş halda avtomobili idarə etdiyiynə görə, 35-i qəza şəraiti yaratdığına, 69 nəfəri saxla işarəsinə əməl etmədiyinə, 183 nəfəri isə, işıqforu qırmızı işıqda keçdiyiynə, 10 nəfəri sərnişin daşınması qaydasını pozlduğuna görə cərimələnib.
Məqalə müəllifi ilə əlaqə ünvanı: [email protected]
