Azərbaycan, Bakı, 06 avqust/ Trend , müxbir A.Qasımova/ ABŞ Ermənistan hökumətinə istismar müddəti 2016-cı ildə başa çatan Metsamor Atom Stansiyasının dəyişdirilməsi variantında da kömək edir.
"Birləşmiş Ştatlar Ermənistan hökumətinə Metsamor Atom Stansiyasının dəyişdirilməsi variantı haqqında fikirləşməkdə kömək edir", - çərşənbə günü Trend -a ABŞ Dövlət Katibi müavininin köməkçisi Metyu Brayza deyib.
Ermənistan hökuməti 2006-cı
ildə bəyan edib ki, erməni AES-nin istismar müddəti 2016-cı
ildə başa çatır. Ermənistan Avropa
İttifaqı ilə qonşuluq proqramı
çərçivəsində, köhnəlmiş AES-in
mümkün qədər tez bağlanması haqqında öz
üzərinə öhdəlik götürüb. Aİ hesab
edir ki, Metsamor AES-in fəaliyyəti bugünkü nüvə
təhlükəsizliyi tələblərinə cavab vermir.
Brayzanın sözlərinə görə, ABŞ Yerevana
reaktorun məqsədəuyğun dəyişdirilməsi
üzrə tədqiqatların aparılmasında texniki
köməк də göstərir. "ABŞ hökuməti ikinci
məsələ ilə məşğul olan ekspertlərin
səylərini dəstəkləyir", - deyə erməni
tərəfi üçün Metsamor AES-in dayandırılmasına
görə məqsədəuyğun olan addımları
şərh etməkdən imtina edən Brayza bildirib.
ABŞ Metsamor AES-in yenisi il əvəzedilməsi barədə hazırlığını hələ 2007-ci ildə bəyan edib. ABŞ-ın Ermənistandakı keçmiş müvəqqəti işlər vəkili Entoni Qodfri deyib ki, ABŞ Ermənistanın Energetika Nazirliyi ilə birlikdə yeni AES-in tikilməsi üzrə problemlərin həll edilməsi üçün daha məqsədəuyğun variant üzərində işləyirlər.
Metsamor AES iki blokdan ibarətdir. Birinci blok 1976-cı ildə , ikinci blok isə 1980-cı ildə istimara verilib.
AES 815 мVт gücə malikdir. 1988-ci ildəki dekabr zəlzələsindən sonra, növbəti ilin martında stansiyanın fəaliyyəti SSRİ hökumətinin xüsusi sərəncamı ilə dayandırılıb. Stansiya altı il yarımlıq konservləşdirmədən sonra 1995-ci il noyabrın 5-də yenidən işə salınıb. Bu faktın dünya nüvə energetikası tarixində analoqu yoxdur.
Hazırda Ermənistan hökuməti yeni AES-in tikilməsinə bir milyard qoymağa hazır olan potensial sərmayədarlar axtarışındadır.
