...

Azərbaycan müxalifətinin referendumla bağlı təsis edilən təşviqat qrupu icazəsiz mitinq keçirmək niyyətində deyil

Siyasət Materials 18 Fevral 2009 16:44 (UTC +04:00)

Trend-i buradan izləyin

Azərbaycan, Bakı, 18 fevral / Trend , müxbir A.Hüseynbala/ Azərbaycanın müxalif partiyalarının referendumla bağlı təsis etdiyi təşviqat qrupları təbliğat kampaniyası zamanı icazəsiz aksiyalar keçirmək niyyətində deyil.

"Bakı Şəhər İcra Hakimiyyəti bizim təklif etdiyimiz meydanlarda mitinq keçirməyə razılıq verməsə, biz icazəsiz aksiyalara meylli olmamalıyıq", - çərşənbə günü Trend -a "Qarabağ və Respublika Uğrunda Hərəkat"da təmsil olunan Azərbaycan Demokrat Partiyasının (ADP) sədri Sərdar Cəlaloğlu bildirib.

Тrend Nеws-un arayışı: Təşviqat qrupları fevralın 18-dən etibarən təbliğat kampaniyasına start veriblər. Referendumla bağlı qəbul olunmuş təqvim planına əsasən, təbliğat kampaniyası martın 16-da saat 24:00-da başa çatdırılmalıdır.

Martın 18-də Azərbaycanda ölkə Konstitusiyasına əlavə və dəyişikliklərin edilməsi üzrə referendum keçiriləcək.

Referendum üzrə "Yeni Azərbaycan", "Şəhər", "Tərəqqi", "Hüquq və demokratiya", "Vətəndaş Cəmiyyəti", "Davamlı İnkişaf Naminə", "Zəka", "Qarabağ və Respublika Uğrunda Hərəkat" və "Respublikaçılar" təşəbbüs qrupları MSK-da təşviqat qrupları kimi qeydiyyata alınıblar. "Abad kənd", "Azad söz", "Azərbaycan Xalq Cümhuriyyəti" və "Milli İstiqlal" təşəbbüs qrupları qeydiyyatdan keçməyib.

Azərbaycan Konstitusiyası 1995-ci ildə qəbul olunub, 2002-ci ildə Əsas Qanuna dəyişikliklər edilib.

Cəlaloğlunun sözlərinə görə, bu kampaniya Konstitusiyaya əlavə və dəyişikliklərlə bağlı olduğundan, insanları icazəsiz kütləvi aksiyalara cəlb etməyin mənası yoxdur. "Əgər Bakı Şəhər İcra Hakimiyyəti bizə hökumətin müəyyən etdiyi münasib yer təklif edərsə, aksiyamızı orada keçirə bilərik", - ADP sədri əlavə edib. 

Onun fikrincə, fevralın 22-nə təyin olunan mitinqin keçirilməməsinə görə onları heç kim ittiham etməyəcək. "Bu referendumdur, hakimiyyət uğrunda mübarizə deyil. Ona görə icazəsiz aksiya keçirməyə də ehtiyac yoxdur", - Cəlaloğlu deyib.  

"Qarabağ və Respublika Uğrunda Hərəkatı" Azərbaycan Xalq Cəbhəsi, Vətəndaş və İnkişaf, Liberal, Demokrat, Müsavat və Ümid partiyaları, eləcə də bir neçə ictimai təşkilat təsis edib. Hərəkatda təmsil olunan siyasi və ictimai qurumlar fevralın 22-də ilk etiraz mitinqini keçirmək üçün yer ayrılması üçün Bakı Şəhər İcra Hakimiyyətinə xəbərdarlıq məktubu göndərib. Məktubda 5 yerdən birində - "Nərimanov" kinoteatrının qarşısındakı meydan, Məşədi Əzizbəyov heykəlinin qarşısı, Hüseyn Cavid meydanı, Səməd Vurğun bağı və ya Prezident Aparatının 200 metrliyində hər hansı yerdə mitinqə şərait yaradılması istənilib.

Məqalə müəllifi ilə əlaqə ünvanı:[email protected]

Xəbər lenti

Xəbər lenti