Azərbaycan, Bakı, 08 aprel / Trend , müxbir V.Javoronkova /
Rumıniyanın xarici işlər naziri Kristian Diakonesku aprelin 8-9-na Azərbaycana planlaşdırılan rəsmi səfərini təxirə salıb. Səfər Rumıniya tərəfinin xahişi ilə ertələnib. Bu barədə çərşənbə günü Azərbaycan Xarici İşlər Nazirliyinin mətbuat xidmətinin rəhbəri Elxan Poluxov bildirib.
Rumıniya Xarici Siyasət İdarəsinin rəhbəri Bakıda iki ölkə arasında əməkdaşlıq perspektivləri, regional məsələləri və NATO-nun 60 illiyinə həsr olunmuş tədbirdə iştirakla bağlı məsələləri müzakirə etməyi planlaşdırmışdı. Rumıniyanın Azərbaycandakı səfirliyi Azərbaycan ilə Şimali Atlantika Alyansı münasibətlərində əlaqələndirici rolunu oynayır.
Məqalə müəllifi ilə əlaqə ünvanı - [email protected]