Azərbaycan, Bakı, 16 yanvar / Trend , müxbir S.Ağayeva/
Azərbaycanın Rusiyadakı səfirliyi RF Dövlət Dumasının vitse-spikeri Vladimir Jirinovskinin bəyanatı ilə əlaqədar olaraq Rusiya Xarici İşlər Nazirliyinə etiraz notası təqdim edib. Bu barədə Azərbaycan XİN-in rəsmi nümayəndəsi Elxan Poluxov Trend -a bildirib.
Jirinovski Latviyanın "Neatkarigas Rita Avize" qəzetinə müsahibəsində bildirib ki, "əgər Dağlıq Qarabağ öz müstəqilliyini elan etsə, bu zaman Rusiya onu tanımalıdır".
"Məktubda Rusiya Parlamenti vitse-spikerinin bu cür müraciətlərinə etiraz ifadə olunur və RF Dövlət Duması nümayəndələrinin bu cür ifadələrinin iki ölkə arasındakı münasibətlərin ruhuna uyğun gəlmədiyi göstərilir", - Poluxov deyib.