Gürcüstan, Tbilisi, 16 iyun / Trend, müxbir N.Kirsxaliya/
İğtişaşların davam etdiyi Qırğızıstanın Oş şəhərindən Türkiyənin icarəyə götürdüyü təyyarə ilə Türkiyə və Gürcüstan vətəndaşları evakuasiya olunublar. Bu gün gecə onlar Manas hərbi bazasına çatdırılıblar.
Buradan onlar Türkiyə vasitəsilə Gürcüstana göndəriləcəklər.
Qırğızıstanı tərk edən gürcülərin sözlərinə görə, Oşda qurbanların sayı rəsmən elan olunandan xeyli çoxdur. Onlar son günlər baş vermiş iğtişaşlarda üç min adamın öldüyünü bildirirlər.